Լուիզա Խաչատրյան

Իմ աշխատանքում կարևոր եմ համարում անվտանգ, հարգալից և վստահելի միջավայրի ստեղծումը, որտեղ մարդը կարող է խոսել նույնիսկ ամենացավոտ ու դժվար թեմաների մասին՝ առանց քննադատության կամ գնահատման վախի։

Աշխատում եմ անհատների, զույգերի և ընտանիքների հետ։ Իմ մասնագիտական հետաքրքրությունների և աշխատանքի հիմնական ոլորտներն են հոգեբանական տրավման, բռնությունը, կորուստն ու սուգը, հարաբերություններում ճգնաժամերը, ամուսնալուծությունը, դավաճանությունը, ինչպես նաև ուռուցքաբանական հիվանդությունների հետ կապված հոգեբանական դժվարությունները։
Իմ մասնագիտական փորձը ներառում է աշխատանք դեռահասների, ճգնաժամային իրավիճակներում գտնվող մարդկանց, փոխարինող ընտանիքների, ինչպես նաև ուռուցքաբանական հիվանդություն ունեցող անձանց և նրանց հարազատների հետ։ Աշխատել եմ նաև ծանր տրավմատիկ իրադարձություններ և կորուստներ վերապրած մարդկանց հոգեբանական աջակցության ոլորտում, այդ թվում՝ ահաբեկչական գործողություններից և այլ ճգնաժամային իրավիճակներից տուժած անձանց հետ։
Բացի մասնավոր պրակտիկայից, աշխատում եմ նաև դպրոցում որպես հոգեբան և ներգրավված եմ կամավորական գործունեության մեջ՝ աջակցելով մայրերին։
Թերապիայի ընթացքում ես ձգտում եմ օգնել մարդուն ոչ միայն հասկանալ իր ապրումները, այլև վերականգնել կապը սեփական ուժերի, արժեքների և կյանքի իմաստի հետ։ Ինձ համար կարևոր է, որ մարդը չմնա միայնակ իր ցավի, վախերի և դժվարությունների հետ։
Ես հավատում եմ, որ յուրաքանչյուր մարդու պատմություն արժանի է ուշադրության, հարգանքի և հոգատար վերաբերմունքի։